أريدكم تخلون هالحجاية ترجية بآذانكم، صح يجوز كلامي شوية قاسي وما يعجبكم، بس هذا هو الواقع المُر. العبرة أبد مو بشكد خلصتوا أفصل بهالأيام القليلة اللي بقت من العطلة الصيفية ولا حتى أيام الدوام أو بأي فترة من السادس.
السالفة وما بيها إنو لازم تقرون بتركيز وتضبطون المادة صدك، مو تقرون "سلق" أو تشربتوها! ترا أي واحد بينا يكدر يطوي كومة أفصل عالسريع ويشربتها، بس بالنهاية شنو الفايدة؟
بينما اللي ديتعب ويقرا بضمير، يضبط المنهج ويحل وزاريات ويمتحن نفسه، ومسوي لنفسه وقت يراجع بي اللي قراه.. هذا ديأسس أساس كلش قوي للمعلومة وماشي عالطريق الصح حتى لو جان تقدمه بطيء ✅.
هذا الطالب من يجي يراجع ببداية الدوام لو قبل نص السنة لو بفترة المراجعة، مراح ينصدم ويلكة روحه ناسي المادة وكأنما أبد مدارسهة! عكس اللي يقرا شلون ما كان ويشربت، هذاك راح ينضرب بوري ويتندم كد شعر راسه من يرجع للأفصل ويلكة روحه ضيع وقته وتعبة عالفارغ 👍.
وإذا هسة فزيتوا على نفسكم وحسيتوا إنو دراستكم الفاتت جانت كلها تشربت وتكليب ورق، فـ كلش زين! هو هذا أصلاً هدفي، ردت أصحيكم وأوعيكم من هسة حتى تلحكون تغيرون طريقتكم للأحسن وتعالجون هالغلط. وفدوة لا تكولون "ما نكدر"، وداعتكم بعد أكو كووومة وكت تكدرون تعدلون بي وضعكم وتسيطرون.
ضروري تغيرون طريقتكم للأحسن من هسة، وتذكروا دائماً هالمقولة اللي تكول: