هذه نصائح ذهبية للي يريد يدرس بالعطلة الصيفية ويضمن مستواه:
1- حط ببالك أي شغلة تقراها بهل العطلة لازم تضبطها ١٠٠٪ وتكون مدعمة بأسئلة وزاري واختبارات (قراية السلق والتشربت مرفوضة قطعا ❌).
2- بهاي الأيام اللي بقت من العطلة، حاول تضبط الأفصل الأولى من المواد مثل اسمك، حتى من يبلش الدوام رسمي ما يوكع عليك ذاك الضغط الثقيل.
3- تدري أكو مادتين يعتبرن الأضخم والأقوى وهن العربي والفيزياء؟ ذني يحتاجن واهس وكت أكثر، فحاول شكد ما تكدر تخلص نصهن قبل لا يبدي الدوام:
#بالعربي (القواعد): حاول تضبط (الاستفهام، النفي، التقديم، التوكيد).
#بالأدب: الجزء الأول يكون حافظه مثل أسمك.
#بالفيزياء: حاول تخلص أول فصلين، وياها آخر ٣ أفصل وتضبطهن عدل، لأن الأفصل الأخيرة حفظها هواي وبيها إلحاح ومزعجة.
طبعاً ورا ما تخلص أو تسيطر على العربي والفيزياء، إذا بقى عندك بعد وقت بالعطلة، فوت على الأحياء والرياضيات وامشي بيهن.
4- السر الأكبر والأهم بكل السالفة هو "الاستمرارية".. هي هاي المفتاح الحقيقي حتى تخلص موادك بوقتهن بدون تراكم.
5- نقطة كلش مهمة: لازم تكون منظم ومرتب بحياتك، وتدرس على خطة واضحة أنت مسويها وتعرف شلون تدير وقتك صح (يعني خصص وقت كافي للدراسة، وقت للطلعة والونسة، ووقت للعبادة) وتعيش باتزان.