شوفوا عيني، وحسب تجربة وحدة من صديقاتنا طالبة طب عام، تكول الكم:
الحد المعقول والمنتظر منكم إنكم تخلصون 3 أفصل من كل مادة منا لحد ما يبدي الدوام، حتى تضمنون نفسكم مسيطرين ومرتاحين إن شاء الله.
بالنسبة للإسلامية: اللي لسه ما بادي بيها وخايف، ترا كلش طبيعي ولا تقلقون أبداً؛ الإسلامية مادة سهلة وتكدرون تمشوها ويا الدوام بكل عادية. هي تكول:
"أني قريتها العام بس بالمراجعة، صح صعدت روحي ولملمتها بالكوة وطلعت بيها 98، بس أبداً ما أنصحكم تسوون مثلي وتعيدون هالغلط، الأحسن تبدون بيها من يبلش الدوام".
بالنسبة للأدب: فدوة لا تتساهلون ويا أبد، تراه حيل مزعج وصعب، وهو اللي يرفع المعدل أو ينزله. اللي لحد الآن ما بادي بالأدب، كلش ضروري تبلش من هسة وتقرأ كل يوم صفحة وحدة فقط (مو ورقة، صفحة!)، تدرون بهالطريقة راح تكملون جزء ضخم منه؟ واحتمال اللي يلتزم يخلصه كله قبل لا يدك جرس الدوام.
بالنسبة للأحياء: واللي لسه ما بادي بيها.. شتنتظرون لعد؟! ضروري ك كل الضرورة تبدون بيها هسة، لأن المادة ضخمة وثقيلة وتحتاج تركيز وواهس عالي.